Burundi —Hasigaye imisi 6 ngo hatangure iyandikwa ry’abazokwitaba amatora ya 2025
Prosper Ntahorwamiye arongoye umurwi CENI ujejwe gutunganya amatora, kuri uyu wa 15 Gitugutu 2024 mw’ihoteri Royal Palace, yarashize ahabona ikirangamisi c’amatora yo muri 2025. Muri ico kirangamisi, biboneka ko hasigaye imisi 6 gusa ngo hatangure iyandikwa ry’abazokwitaba amatora, iryo naryo rizotangura kuva ku wa 22 gushika ku wa 30 uku kwezi nyene.
Amagenekerezo ajanye n’amatora nayo yatangajwe uku gukurikira : Amatora y’abashingamateka n’ay’abajenama ba komine azobera rimwe ku wa 05/06/2025, amatora y’abakenguzamateka azoba ku wa 23/07/2025 nayo amatora y’abajenama b’imitumba n’amakaritiye hamwe n’abakuru b’imituma n’amakaritiye azoba ku wa 25/08/2025.
Muramaze kwitegurira kuzitabira ayo matora?
MATORA azogenda neza Mugihe mugabo indinganirozo hamwe nihinduka rya CNI vyokwitwara neza Mugucengera amatora ataho yegamiye