June 17, 2024

Muri Afirika y’Epfo, ishyaka ANC ryarangaje imbere abaturage mu gutsinda ivangura ry’amoko mu myaka 30 ishize ryananiwe kugira amajwi ariha ubwiganze mu matora

0

Jacob Zuma uyoboye ishyaka ryabereye intambamyi ANC mu ntara ya KwaZulu – Natal

Muri Afurika y’Epfo, ishyaka ANC ryarangaje imbere abaturage mu gutsinda ivangura ry’amoko mu myaka 30 ishize ryananiwe kugira amajwi ariha ubwiganze mu matora.

Abaturage barakajwe n’ibura ry’akazi, ubusumbane n’ibura ry’umuriro w’amashanyarazi, barihaye amajwi 40 ku ijana gusa ugereranije na 57.7 ku ijana ryegukanye mu matora ashize yo muri 2019.

Bivuze ko ubu noneho rigomba gusangira ubutegetsi n’andi mashyaka niba rigomba kubugiramo uruhare. Ibi byari bitarabaho kuva Afurika y’Epfo yasezerera ingoma ya ba gashakabuhake mu 1994.

N’ubwo ishyaka Democratic Alliance riri ku isonga mu atavuga rumwe n’ubutegetsi ryabonye 21.63 ku ijana, benshi bemeza ko ishyaka rishya uMknonto we Sizwe (MK) rya Jackob Zuma wigeze kuba perezida w’iki gihugu ari ryo ryagize uruhare mu gukura ANC ku ntebe y’ubwiganze. MK yaje ku mwanya wa gatatu n’amajwi 14.71 ku ijana.

ANC yabuze amajwi mu ntara ya KwaZulu-Natal Zuma akomoka mo bityo iba ibuze ubwiganze.

Amajwi ishyaka ryagize mu matora ni yo agena umubare w’abadepite rigomba kugira mu nteko ishinga amategeko, ari yo ishyiraho umukuru w’igihugu.

Uko bigaragara uburyo bumwe ANC yagumana intebe ya perezida n’uko yakumvikana na rimwe mu mashyaka atavuga rumwe n’ubutegetsi na yo ikayaha imyanya. Abanyafurika y’Epfo n’abanyamahanga batari bake bakomeje gukurikira aho birimo byerekeza.

#AMAKURU #BBNEWS #Hoster Rachidi

Ntaciyumviro kiratangwa on Muri Afirika y’Epfo, ishyaka ANC ryarangaje imbere abaturage mu gutsinda ivangura ry’amoko mu myaka 30 ishize ryananiwe kugira amajwi ariha ubwiganze mu matora

Siga Iciyumviro