Hashizweho umugambi ugiye kworohereza abadandaza bahora bacisha ibidandazwa ku mupaka wa Congo n’Uburundi
Kuri uyu wa 30/10/2024, Marie Chantal Nijimbere, umushikiranganji w’ubudandaji mu Burundi na Kongo Julien Paluku, umushikiranganji w’ubudandaji muri Congo, batanguje umugambi witwa “Régime Commercial Simplifié (Recos)”, umugambi ugiye kworohereza abadandaza bo mu bihugu bihurikiye mu muryango w’isoko rusangi “Comesa”, gukora urudandazwa ndengambibe cane cane abaca ku mupaka w’Uburundi na Congo muri Zone Gatumba y’intara ya Bujumbura.
Clarisse Baricako, aserukira abadandaza bakora urwo rudandazwa mu Burundi, na mugenzi we wa Congo, Vumilia Kwibe, hamwe n’abadandaza muri rusangi, barashima cane uwo mugambi ugamije gushira ku mugaragaro urutonde rw’ibidandazwa vyemewe ndetse hagabanywe n’amafaranga yahora arihwa iyo vyinjiye mu gihugu. Nayo ngo abo badandaza bakwiye kwihatira kugwiza umwimbu mu vyimburwa canke ibihingurwa biri ku rutonde rw’ibizokworoherezwa muri uwo mugambi.
Nukuri ni igikorwa ciza gose kizokworohereza abadandaza batari bake narirya amazi ubu yamaze gukama.
Jewe mbona ahubwo CONGO N’UBURUNDI bibaye igihugu kimwe niho vyogenda neza kurusha.
Nikintu cyiza cyane
Turakeje abagize ico ciyumviro kizokwungura vyinshi.
COMESA iragahora iraza.
Ubu ndumva bigiye korohera aba dandaza cyane cyane abadandaza batobato kuko ikori ryari umurengera
Bazoshireho un grand restaurant yokwakira ingenzi hamwe na systeme yokuriha en dollar canke muma CONGOMAN kubazoba bariko bava muri CONGO.
Ko akarere bakaguye bizobasaba no kwiyumvira nkahamwe abadandaza bubiriyeko aho boca barara mu micungararo canke aho ibidandaza vyabo vyoca biba birabitwse nko muri un entrepôt commercial yoba iri payant.
Bizoba bitunganye nukuri.
Numugambi mwiza kuri buri zina mudandaza wese .