Ishimwe Jelly Dilla Gaëlla niwe yaserukiye Uburundi muri Miss Teen Universe 2024
Ku myaka 16 gusa, ku mashure 12, Ishimwe Jelly Dilla Gaëlla aserukiye Uburundi muri Miss Teen Universe 2024, igihanwa rigiye kubera mu gihugu ca Afrika y’Epfo guhera ku wa 31 Gitugutu gushika ku wa 10 Munyonyo 2024. Uwo mwigeme afise umugambi wo gufasha abakenyezi mw’iterambere rirama, gushikira indoto zabo mu kwiha agaciro no mu vyo basanzwe bakora.
Iryo higanwa rizoba ririmwo ibihugu 38, Jelly Dilla Gaëlla akavuga ko yiteguye bikwiye hamwe n’umugambi wiwe, mbere akaba yizeye ko azotahukana iryo higanwa. Ibirori nyamukuru bikazobera i Kimberley. Agasaba abarundi bose kumutera intege no kumushigikira kugira ngo uryo higanwa rizotahe mu Burundi.
Mu migambi yiwe ya kazoza akaba yipfuza gushiraho ibigo bifasha abakenyezi kwiteza imbere kugira ngo bashikre rya terambere rirama;
Tumwipfurize gutsinda!
