Ng’izi zimwe mu mpinyanyuro zishasha ziri mw’itegeko rigenga intwaro mu makomine rigiye kwisungwa kuva mu mwaka w’2025

Ng’izi zimwe mu mpinyanyuro zishasha ziri mw’itegeko rigenga intwaro mu makomine rigiye kwisungwa kuva mu mwaka w’2025

————————————–

Ba musitanteri bose bazoronswa agahembo kangana kava ku buryo butegekanijwe na Reta hatarabwe impamyabushobozi y’umwumwe

Uburyo komine izokoresha buzotegekanywa iruhande y’uburyo Reta isanzwe ikoresha ku mwaka ku mwaka

Imbere y’uko komine yaka ingurane, izobanza kubimenyesha ubushikiranganji bw’ikigega ca Reta

Hazoba hariho urwego nshingwabikorwa ruzoba rurongowe na Musitanteri, rukazoba rurimwo umunyamabanga nshingwabikorwa wa komine (yahora yitwa umunyamabanga nshingwabikorwa ntayegayezwa), abahanuzi ba Musitanteri hamwe n’abarongoye ibisata

Mu nama ya komine, musitanteri ntazoba ayirimwo, izoba yigenga ikazoba ijejwe kugenzura ibikorwa vya komine

Hazoba hari igisata kijejwe kugenzura ikoreshwa ry’uburyo bita contrôle et audit

Kuri musitanteri n’uwurongoye zone nta mpamyabushobozi ya kaminuza isabwa ariko abahanuzi babo bazotegerezwa kuba bafise impamyabushobozi za kaminuza

Izo mpinyanyuro zashikirijwe kuri uyu wa 07/05/2024 n’umushikiranganji w’intwaro yo hagati mu gihugu Martin Niteretse, mu gihe yariko asigurira abakenguzamateka integuro y’ibwirizwa rihinyanyura ibwirizwa rigenga intunganyo y’intwaro mu makomine

Gira ico mushikirije kuri zino mpinyanyuro, basomyi…#BBNEWS