Dutsimbataze agateka ka zina muntu mu bikorwa vyo kurandurana n’imizi umugera wa Sida

104
SIDA

Buri mwaka, ku wa mbere Kigarama, harahimbazwa umusi mpuzamakungu wahariwe kurwanya SIDA. Mu Burundi, uwo musi wahimbajwe ku civugo : “Dutsimbataze agateka ka zina muntu mu bikorwa vyo kurandurana n’imizi umugera wa Sida”. Nk’uko bishikirizwa na Dr. Lydwine Baradahana, umushikiranganji w’amagara y’abantu, yavuze ko ari akaryo keza ko kwifatanya n’abasanzwe bagendana umugera wa SIDA no kurabira hamwe ibimaze gukorwa mu rugamba rwo kurwanya SIDA kugira  azoshobore gushikira ihangiro ryo kurandurana n’imizi uwo mugera wa SIDA usanzwe uhanze isi yose.

Yabandanije avuga ko ico civugo cibutsa ko umuntu wese akwiye kubaho neza kandi akubahirizwa mu gateka kiwe. Ni akaryo kandi ko kwibutsa abenegihugu, abasanzwe bashigikira Uburundi n’amashirahamwe ashigikira abagendana umugera wa SIDA ko urugamba rwo kurwanya umugera wa Sida rutararangira ahubwo ko gushira hamwe inguvu bikwiye gushimangirwa kugira dukingire abatarandura bongere bahangane n’ingaruka mbi zishobora gushika ku benegihugu bamaze kwandura uwo mugera wa Sida mu ntumbero ‘yuko na bo babandanya babaho neza

Ibiharuro vy’abagendana umugera wa Sida vyerekana ko kuva muri 2002 vyari ku bice 6% nayo mu mwaka wa 2017 bija kuri 0.9%, vyumvikana ko vyabaganutse cane, ndetse  n’impfu zandurutse kuri uwo mugera ziragabanuka ku bice 69,1% muri 2022 (Spectrum 2024). Muri iki gihe, ibice 95,5% vy’abagendana umugera wa Sida baramaze kumenya uko amagara yabo yifashe, Ibice 99,8% muri bo, bari ku miti ipfupfahaza nayo ibice 90% muri abo bakaba bafise igipimo cerekanako urugero rw’umugera mu maraso ruri hasi.

Nubwo biri uko, intambamyi zihari zerekana ko ibiharuro vyinshi vy’abandura umugera wa Sida tubisanga mu bana bafise imyaka iri munsi y’ine bitumwe n’abana bavuka ku bavyeyi bagendana umugera wa Sida. Ibindi biharuro biri hejuru tubisanga mu rwaruka rufise imyaka iri hagati ya 15 na 24 bivuye ku bintu bitandukanye bisanzwe bibabangamira mu buzima bw’abo.

Mwomenya ko mu Burundi, uwo musi mpuzamakungu wahariwe kugwanya SIDA, uzohimbazwa kw’igenekerezo rya 4 Kigarama 2024, ku murwa mukuru w’intara ya Rumonge.

104 thoughts on “Dutsimbataze agateka ka zina muntu mu bikorwa vyo kurandurana n’imizi umugera wa Sida”

  30. yagisha abana banyu kuvyerekeye guhuza ibitsina kand mutabahenda bizotuma batahura vyishi bongere bumve uko bokwirinda

    Reply

  41. dusabe na reta ibishiremwo uruhara rukomeye kugira urwaruka ruze ruririnda kwandura uwo mugera biciye mubusambanyi

    Reply

  43. bavyeyi twigishe abana bacu ukuntu bokwikingira mu gihe habaye ubushake bwo gukora imibonano mpuzabitsina

    Reply

Leave a Reply

Your email address will not be published. Required fields are marked *

IBINDI WOSOMA

Imigwi izokwitabira iryo higanwa

Ni ibiki dukwiye kumenya kw’ihiganwa rishasha rya FIFA Club World Cup?

57
Amatora

74
obr-audace

Ibikorwa bikenewe cane gusumba ibindi nivyo bizoshirwa imbere kubera igihengeri ca OBR c’imiriyaridi 110 Fbu

60
urunani3

Basketball : Nta n’umwe atazi Uburundi biciye k’Urunani BBC

55
SIDA

Dutsimbataze agateka ka zina muntu mu bikorwa vyo kurandurana n’imizi umugera wa Sida

104
Verified by MonsterInsights