Lino-G yaraye akwije abantu 1.000.000 bamaze kuraba indirimbo yiwe “Irya nyuma” ku rubuga rwa YouTube
Lin Nduwayezu, benshi bazi nka Lino-G
Umuririmvyi Lin Nduwayezu benshi bazi nka Lino-G, yaraye akwije abantu umuriyoni (1.000.000 views) bamaze kuraba indirimbo yiwe “Irya nyuma” ku rubuga rwa YouTube. Ivyo vyose bikaba bibaye inyuma y’imisi 30 gusa iyo ndirimbo igiye ahabona. Mwomenya ko agiye mu rutonde rw’abaririmvyi b’abarundi bake bamaze gushikana ivyo biharuro mu rugendo rw’abo rw’umuziki.
Bamwe twokwita nk’abamutanguriye, twovuga umuririmvyi Sat-B, amaze kubikora ku ndirimbo nka “Je Vais Bien” n’izindi nyinshi, umuririmvyi Drama-T nawe nyene amaze kubikora ku ndirimbo nka “Kosho” n’izindi.
Ibijanye n’iryo terambere mu muziki bakaba babikesha abarundi ubwabo bamaze gutahura guha agaciro umwuga bakora cane cane ko nabo bibatwara uburyo butari buke.
Musomyi wakiriye gute iyi nkuru?
Iryanyuma kbx